U vyniku rasijskaha ŭdaru pa pasiołku ŭ Sumskaj vobłaści razburany padjezd žyłoha doma
Ratavalniki evakuiravali 14 čałaviek i vyratavali babulu.
04.01.2025 / 22:38
Razburany padjezd žyłoha doma ŭ Śviesie. Fota: DSNS Ukrainy
Udar pa žyłym siektary rasijskija vojski nanieśli ŭ druhoj pałovie dnia. Pra heta paviedamlaje Dziaržaŭnaja słužba Ukrainy pa nadzvyčajnych situacyjach.
U vyniku ataki byŭ razburany padjezd piacipaviarchovaha žyłoha doma ź piataha da pieršaha paviercha. Usiaho paciarpieli 4 šmatkvaternyja damy.
Razbor zavałaŭ doma. Fota: DSNS Ukrainy
Pavodle papiaredniaj infarmacyi, traŭmy atrymali 10 čałaviek, siarod ich 2 dziciaci. Ratavalniki praciahvajuć avaryjna-adnaŭlenčyja i pošukavyja raboty.