Jak paśla kanca śvietu. Ahrasiadzibu ŭ Salihorskim rajonie zaniesła ziamloj
Mocny viecier padniaŭ ziamlu z paloŭ, jakija zastalisia nie pakrytymi śnieham. Biedstva ŭ vioscy Čapiali źviazvajuć z vysiečkaj lesapałasy.
04.01.2025 / 17:39
Zaniesienaja ziamloj siadziba «DoReNi» ŭ Salihorskim rajonie
Žudasnyja videa apublikavała ŭ svaim instahramie miascovaja siadziba «DoReNi», u kantaktnym zaaparku jakoj žyvuć koni, viarbludy, strausy, lisy, paŭliny i inšyja žyvioły i ptuški.
Na kadrach bačnaje ščylnaje pyłavoje vobłaka, praź jakoje zdajecca, što na vulicy nie soniečny dzień, a pryciemki. Toŭstym słojem ziamla pakryła ŭsiu terytoryju siadziby.
«Słoj taki, što ŭžo strašna! Ziemlanaja katastrofa!» — pišuć ustryvožanyja haspadary.
Ziamlu miacie mocny štarmavy viecier z susiednich pieraaranych, ale nie zasiejanych paloŭ. Pyłavoje vobłaka ničoha nie strymlivaje, bo, jak adznačajuć miascovyja žychary, lesapałasu vysiekli pry rekanstrukcyi trasy R-23.