Pamierła samaja pažyłaja žycharka Ziamli — 116-hadovaja japonka Tamika Itaoka
Svajho muža jana pieražyła amal na paŭstahodździa.
04.01.2025 / 17:03
Tamika Itaoka ŭ dzień jaje 116-hodździa.
Pra heta paviedamiła ahienctva Kyodo.
Pavodle źviestak ahienctva, Itaoka pamierła 29 śniežnia ŭ domie sastarełych u horadzie Asija va ŭzroście 116 hadoŭ pa naturalnych pryčynach.
Tamika Itaoka naradziłasia 23 maja 1908 hoda ŭ Osacy, u Asiju jana pierajechała kala 30 hadoŭ tamu.
Itaoka ličyłasia samaj pažyłoj žančynaj Japonii. Ale samaj pažyłoj žycharkaj Ziamli jana stała tolki paśla taho, jak u žniŭni 2024 hoda ŭ Ispanii pamierła Maryja Brańjas Marera, jakoj na toj momant było 117 hadoŭ.
Sa svaim mužam žančyna pražyła 51 hod u šlubie, pakul toj nie pamior u 1979 hodzie. Da momantu śmierci samoj Itaoki žyvymi siarod jaje svajakoŭ zastalisia dačka, syn, a taksama piać unukaŭ. Pachavańnie Tamiki adbyłosia ŭ subotu.
Raniej Ministerstva achovy zdaroŭja Japonii paviedamiła, što kolkaść japoncaŭ, jakim spoŭniłasia 100 i bolš hadoŭ, pieravysiła 95 tysiač, što stała rekordnym pakazčykam za 54 hady. Ź ich 88% składajuć žančyny.