Sudovuju spravu Trampa razhledziać za 10 dzion da jahonaj inaŭhuracyi
Kryminalnuju spravu suprać abranaha prezidenta ZŠA Donalda Trampa razhledziać u sudzie 10 studzienia, kali da jahonaj inaŭhuracyi zastaniecca ŭsiaho 10 dzion.
04.01.2025 / 15:37
Donald Tramp. Fota: AP Photo/Evan Vucci
Donald Tramp, jaki byŭ pryznany vinavatym u falsifikacyi dziełavych dakumientaŭ dla vypłaty «cichich hrošaj» zorcy filmaŭ dla darosłych Stormi Deniełs, moža prysutničać na słuchańni asabista ci praź internet. Adpaviednaje rašeńnie pavinna być pryniata da 5 studzienia.
Sudździa Chuan Mierčan pryznačyŭ datu abviaščeńnia prysudu na piatnicu, 10 studzienia, adchiliŭšy prośbu Trampa admianić prysud na padstavie niedatykalnaści prezidenta. Sudździa skazaŭ, što takoha imunitetu dla abranaha prezidenta nie isnuje.
Advakaty Trampa nastojvali na tym, što razhlad spravy ŭskładnić zdolnaść novaabranaha prezidenta kiravać krainaj, ale sudździa z hetym nie pahadziŭsia, padkreśliŭšy važnaść prytrymlivańnia zakona.
«Pastanova źjaŭlajecca ŭdaram pa namahańniach Trampa pakinuć spravu ŭ minułym i rychtuje pieradumovy dla patencyjna vybuchovaha źjaŭleńnia ŭ sudzie tolki za 10 dzion da jaho inaŭhuracyi», — piša Bloomberg.
Zrešty, choć palityku nibyta pahražała da čatyroch hadoŭ pazbaŭleńnia voli, u hetym vypadku pra realnaje jahonaje źniavoleńnie havorka iści nie budzie. Prakurory, jak zajaviŭ sudździa, užo pryznali, što heta nie «praktyčnaja rekamiendacyja».
Tramp niezadavoleny, što padčas jahonaj inaŭhuracyi dziaržaŭnyja ściahi buduć pryspuščanyja
Hardon zajaviŭ, što histaryčnaja sustreča Trampa i Pucina pa Ukrainie sarvałasia
Džo Bajden ličyć, što moh pieramahčy Donalda Trampa, kali b nie sastupiŭ miesca Charys