Łukašenka zaklikaŭ zrabić vybary nie jak u ZŠA, dzie «stralajuć u vucha ci ŭ hałavu»
Alaksandr Łukašenka zajaviŭ, što prezidenckija vybary ŭ Biełarusi pavinny stać «śviatam».
03.01.2025 / 13:31
U lipieni na pieradvybarnym mitynhu ŭ Batlery Donald Tramp byŭ paranieny ŭ vucha. Fota: Gene J. Puskar / AP
«Nam amierykanskaje šou, dzie stralajuć u vucha ci ŭ hałavu, nie treba», — skazaŭ Łukašenka na sustrečy z davieranymi asobami ŭ piatnicu;
Jon taksama adznačyŭ, što treba vyznačycca z zaprašeńniem zachodnich naziralnikaŭ na vybary.
Pavodle jaho słoŭ, chutčej za ŭsio, naziralniki pryjeduć na vybary z užo padrychtavanymi zajavami pra toje, što ŭsio drenna: kankurencyi nie było, šou, jak u ZŠA, nie było.
«Nie stralali, ni ŭ vucha nie trapili, ni ŭ hałavu, barani Boža, i hetak dalej — značyć, drenna. Ale vy zrazumiejcie, heta ž nie tyja, chto kamanduje (kamandujuć śpiecyjalnyja centry pryniaćcia rašeńniaŭ). Ludzi, jakija pryjeduć, — usio ž niešta čałaviečaje ŭ ich jość. Jany ž buduć bačyć realnuju karcinu ŭ Biełarusi. Tak, u ich heta šou. U nas niama, u nas vybary — surjoznaje mierapryjemstva», — praciahnuŭ Łukašenka.
Jon taksama zajaviŭ, što «kali b treba było pravieści vybary ŭ vyhladzie šou, my b takoje zrabili, što tut hrymieŭ by ŭvieś kraj. Ale potym pa iniercyi hety hrom pakocicca až da lipienia-žniŭnia, nichto ž pracavać nie budzie. A ŭ nas situacyja nie taja, kab adpačyvać», — padsumavaŭ jon.
Łukašenka: Nijakich ździekaŭ, nijakich palitviaźniaŭ u nas niama
Łukašenka pravioŭ naradu z davieranymi asobami pa vybarach