U Biełarusi źniziacca ceny na indyčynu. Na heta ścipła spadziavaŭsia Hałoŭčanka

U Biełarusi źnižana staŭka PDV na hatovyja pradukty ź indyčyny — z 20% da 10%. Heta tyčycca tavaraŭ, adhružanych z 1 studzienia 2025 hoda, paviedamlaje BiełTA.

03.01.2025 / 13:23

U Minpadatkaŭ adznačyli, što roźničnyja ceny na takija pradukty, jakija zastalisia na składach na 1 studzienia, možna pierahledzieć dla karekciroŭki sum PDV.

Jak raniej kazaŭ premjer-ministr Biełarusi Raman Hałoŭčanka, urad unios prapanovu ab uraŭnoŭvańni staŭki PDV na indyčynu z PDV na kurycu i inšuju ptušku.

«Bo atrymałasia, što na indyčynu PDV byŭ 20%, a na inšuju ptušku — 10%. Spadziajusia, što z 2025 hoda indyčyna navat krychu patańnieje», — adznačyŭ Raman Hałoŭčanka.

Hałoŭčanka raskazaŭ, jakuju niezvyčajnuju pryładu dla hatavańnia ježy jon asvoiŭ

Premjer Hałoŭčanka raskazaŭ pra svaju lubimuju stravu z bulby

Nashaniva.com