Stała viadoma pra aryšt byłoha dyrektara «Biełłakta»
49-hadovy Alaksiej Hrytusieŭ — jašče adzin fihurant «małočnaj spravy». Jon znachodzicca za kratami ŭžo bolš za hod.
03.01.2025 / 13:24
Alaksiej Hrytusieŭ na pasadzie hiendyrektara «Biełłakta» ŭ 2011 hodzie
Užo bolš za hod za kratami znachodzicca biełaruska-rasijski biznesmien Alaksiej Hrytusieŭ. Bolšaść častku karjery jon zajmaŭsia prodažami małočnaj pradukcyi. Vyhladaje, što mienavita heta i pryviało jaho ŭ śledčy izalatar.
U maładości Hrytusieŭ pracavaŭ na małočnym zavodzie ŭ Kamiancy, paśla byŭ namieśnikam hienieralnaha dyrektara na «Savuškavym».
U 2007-2011 hadach jon kiravaŭ vaŭkavyskim małočnym pradpryjemstvam «Biełłakt».
Na niekalki hadoŭ Hrytusieŭ uznačaliŭ Hrodzienskaje abłasnoje inviestycyjnaje ahienctva, a paśla viarnuŭsia ŭ prodaž praduktaŭ.
Apošni čas pierad aryštam jon zajmaŭsia biznesam u padmaskoŭnym horadzie Puškina, stvaryŭšy tam kampaniju «Optymafud». Miarkujučy pa infarmacyi z sajta pradpryjemstva, kampanija pradavała ŭ Rasiju małočnuju pradukcyju ź Lepiela, Ščučyna, Maładziečna, Barysava i Słucka.
Kali ŭ listapadzie 2023 hoda zakruciłasia «małočnaja sprava», Hrytusieŭ staŭ adnym ź jaje fihurantaŭ. Pa słovach surazmoŭcaŭ «Našaj Nivy», havorka tady viałasia pra abvinavačvańni ŭ adkatach ad dyleraŭ za pastaŭki tannaj pradukcyi, jak heta było, naprykład, u «cukrovaj spravie», pa jakoj zatrymlivali dyrektaraŭ cukrovych zavodaŭ.
Ciapier Hrytusieŭ znachodzicca ŭ SIZA i čakaje suda.
Zatrymany Ihar Bryło, eks-kiraŭnik Minsielhascharča i pamočnik Łukašenki pa Viciebskaj vobłaści