Koška viarnułasia dachaty paśla siami hadoŭ adsutnaści
Siamja z kanadskaha Edmantana atrymała ŭ hetym hodzie niezvyčajny kaladny padarunak — ich koška, jakaja źnikła siem hadoŭ tamu, viarnułasia dadomu, piša Edmonton Journal.
03.01.2025 / 09:35
Fota: Supplied
Kanadziec Hlen Stupar uziaŭ u svaju siamju ŭ 2014 hodzie čaroŭnuju košku pa imieni Safi. Safi chutka stała ŭlubioncam u siamji, ale adnojčy ranicaj praz try hady, zdaryłasia niešta vielmi dziŭnaje.
Haspadar uspaminaje, što ŭ tuju ranicu, kali jon źbiraŭsia pakarmić košku, jana prosta źnikła. Paźniej vyśvietliłasia, što koška, vierahodna, vyskačyła praz pryadčynienaje akno i ŭciakła.
Safi prapała na cełych siem hadoŭ, ale ŭ hetym hodzie, niezadoŭha da Kaladaŭ, ratavalnikam narešcie ŭdałosia złavić jaje.
Heta była nialohkaja zadača, bo Safi, jakaja pasialiłasia kala aŭtamyjki i atrymlivała ježu ad miascovych žycharoŭ, akazałasia vielmi chitraj. Ratavalnikam spatrebiłasia try miesiacy, kab złavić jaje, ale ŭ rešcie rešt jany dasiahnuli pośpiechu.
Choć dla Safi ŭžo była abranaja časovaja siamja, skaniravańnie mikračypa pakazała, što ŭ koški jość haspadar, i tak jana znoŭ znajšła darohu dadomu.