У навагоднюю ноч у Новай Баравой быў пажар — праз няўдала запушчаны салют
«Суседзі выштурхоўвалі чужыя машыны з паркоўкі».
02.01.2025 / 18:49
Скрыншот сторыс у інстаграме
Пра пажар, які адбыўся прыкладна каля 2 гадзін ночы 1 студзеня ў вёсцы Копішча пад Мінскам (там знаходзіцца ЖК «Новая Баравая»), пішуць у сацыяльных сетках. У тых, хто святкаваў Новы год і запускаў салют, штосьці пайшло не па плане, і піратэхніка падпаліла сметніцы. Стаялі кантэйнеры для смецця каля аўтамабільнай паркоўкі.
— У выніку суседзі рукамі выштурхоўвалі чужыя машыны з паркоўкі, каб іх выратаваць (бо не ўсе гаспадары ведалі пра ўзгаранне), і тушылі вогнетушыцелямі са сваіх машын, пакуль не прыехалі пажарныя, — напісаў у сацыяльных сетках адзін з мясцовых жыхароў.
У афіцыйных зводках МНС гэтае здарэнне не згадана — верагодна таму, што абышлося без ахвяр.
У навагоднюю ноч у Беларусі загінулі на пажарах тры чалавекі
У Новай Баравой загарэўся рэстаран
У аграгарадку пад Маладзечнам з-за перабояў з электрычнасцю загараюцца ацяпляльныя катлы?