Ціханоўская адказала на навагодні зварот Зяленскага
Нагадаем, у навагоднім звароце Уладзімір Зяленскі згадаў Беларусь.
01.01.2025 / 18:33
Скрыншот звароту Зяленскага
«Я ўпэўнены, прыйдзе дзень, калі мы скажам «Жыве Беларусь!», — прамовіў прэзідэнт Украіны.
Святлана Ціханоўская падзякавала яму за гэтыя словы.
«Дзякуй вам, Уладзімір Аляксандравіч Зяленскі, за ваш пераканаўчы заклік падтрымаць беларусаў, якія абараняюць свабоду. Наша барацьба за годнасць і дэмакратыю аб'ядноўвае нас. Разам мы даказваем, што ніводзін дыктатар не зможа зламаць дух тых, хто верыць у свабоду», — напісала лідарка Беларусі ў твітары.