У Новым Арлеане аўтамабіль наехаў на натоўп. Загінулі 10 чалавек
Яшчэ 30 чалавек шпіталізаваныя.
01.01.2025 / 15:18
Скрыншот відэа WWLTV/YouTube
Інцыдэнт адбыўся на Бурбон-стрыт, галоўнай вуліцы Французскага квартала і адным з самых папулярных турыстычных месцаў Новага Арлеана.
Па папярэдніх даных гарадскіх экстранных службаў, 10 чалавек загінулі, яшчэ 30 былі шпіталізаваныя.
Відавочцы распавялі CBS News, што кіроўца аўтамабіля, урэзаўся ў натоўп, выйшаў з машыны і адкрыў агонь па людзях. Паліцыя ў адказ таксама пачала стральбу. Ці быў кіроўца затрыманы або забіты, невядома.
Дапоўнена. Кіроўца, які пратараніў натоўп, быў застрэлены.