Расследавальнікі назвалі імёны 90 тысяч расіян, якія загінулі на вайне з Украінай
Юбілейным запісалі ўзарванага генерала Кірылава.
01.01.2025 / 12:08
Украінскі вайсковец ідзе па захопленым горадзе Суджа Курскай вобласці, фота AP
Праект «Горюшко», які шукае ў адкрытых крыніцах інфармацыю пра забітых расійскіх вайскоўцаў, у навагоднюю ноч паведаміў, што колькасць загінулых пераваліла за 90 тысяч чалавек.
На юбілейную пазіцыю паставілі генерал-лейтэнанта Ігара Кірылава, узарванага ў Маскве.
За раніцу лік дарос ужо да 90041 чалавека.
У снежні 2024 года спіс папаўняўся на 210 чалавек за дзень. Гэта найбольшы паказчык ад пачатку вайны.
Работнікі ініцыятывы манітораць сацыяльныя сеткі і знаходзяць інфармацыю пра цырымоніі развітання ці проста допісы ад сваякоў.