FT sprahnazavała zaklučeńnie miru pamiž Rasijaj i Ukrainaj u 2025 hodzie
Ukraina i Rasija ŭ 2025 hodzie padpišuć mirnuju damovu, u jakoj Kijeŭ pahodzicca na «faktyčny, ale nie jurydyčny» kantrol Maskvy nad stračanymi terytoryjami. Pra heta paviedamlaje Financial Times u svajoj padborcy prahnozaŭ na nastupny hod, piša RBK.
31.12.2024 / 13:25
Fota: Russian Presidential Press Service and Ukrainian Presidential Press Office via AP
Dla zaklučeńnia pahadnieńnia abranamu prezidentu ZŠA Donaldu Trampu daviadziecca prystrašyć bolš strohimi sankcyjami i ŭzmacnić amierykanskuju padtrymku Kijeva, kab zaachvocić Maskvu pierajści da pieramovaŭ, śćviardžaje hazieta.
U toj ža čas, sajuźniki ZŠA pierakanajuć Trampa nie zdymać členstva Ukrainy ŭ NATO z paradku dnia, prynamsi, na pačatkovym etapie pieramovaŭ, havorycca ŭ kamientary za podpisam analityka Bena Choła.
«Uładzimir Zialenski pahodzicca na faktyčny, ale nie jurydyčny kantrol Rasii nad terytoryjaj, jakuju jana ciapier zajmaje, ź niekatorymi abmienami ziamielnymi ŭčastkami ŭ abmien na jeŭrapiejskija harantyi biaśpieki pry padtrymcy ZŠA, u toj čas jak Ustupleńnie Ukrainy ŭ NATO ŭ kančatkovym vyniku budzie zamarožanaje», — napisaŭ karespandent.