HUR zajaviła, što marski dron źniščyŭ rasijski viertalot Mi-8 u Krymie
Hałoŭnaje ŭpraŭleńnie raźviedki Minabarony Ukrainy zajaviła, što jaho voiny ŭpieršyniu ŭ śviecie źniščyli pavietranuju cel z dapamohaj marskoha drona Magura V5, piša «Ukrainskaja praŭda».
31.12.2024 / 10:42
Magura V5. Fota: Minabarony Ukrainy
31 śniežnia voiny śpiecpadraździaleńnia Hałoŭnaha ŭpraŭleńnia raźviedki Minabarony Ukrainy «Group 13» upieršyniu ŭ historyi źniščyli pavietranuju cel z dapamohaj udarnaha marskoha drona Magura V5, abstalavanaha rakietnym uzbrajeńniem.
Pavodle źviestak raźviedki, padčas boju ŭ Čornym mory ŭ rajonie mysa Tarchankut u vyniku ŭžyvańnia rakiet R — 73 SeeDragon źniščany rasijski viertalot Mi-8.
Jašče adzin taki ž varožy viertalot atrymaŭ ahniavoje trapleńnie, ale zmoh dabracca da aeradroma bazavańnia.
U mai 2024 hoda stała viadoma, što na ŭkrainskija marskija drony Magura pačali stavić zienitnyja rakiety.