U novym minskim SIZA-1 adčyniłasia kaplica BPC
Na bohasłužeńnie byli dapuščany tolki asudžanyja ź liku haspadarčaha atrada.
30.12.2024 / 14:04
Kiraŭnik Sinadalnaha adździeła pa turemnym słužeńni BPC protaijerej Hieorhij Łopuchaŭ 25 śniežnia ździejśniŭ pieršuju liturhiju ŭ kaplicy ŭ honar śviatoha mučanika Varvara Łukanskaha (byłoha rabaŭnika, jaki žyŭ u Hrecyi, ale pad kaniec žyćcia pakajaŭsia i pajšoŭ u carkvu), piša Mayday.team.
Adnak na bohasłužeńnie tradycyjna byli dapuščany tolki asudžanyja ź liku haspadarčaha atrada. Za mierapryjemstvam sačyŭ načalnik adździeła vychavaŭčaha pracesu SIZA-1 major unutranaj słužby Siarhiej Klučenia.
Tydniem raniej śviatary BPC arhanizavali ŭ SIZA-1 razmovu ź niepaŭnaletnimi padazravanymi, jakim pryvieźli navahodnija nabory cukierak.
Śledčy izalatar №1 pierajechaŭ na novy adras u Kaladzičy 29 krasavika hetaha hoda. Stary budynak na vulicy Vaładarskaha bolš nie vykarystoŭvajecca.