U Žodzinie adkryli kramu ź mierčam BiełAZa
Adkryćcio BELAZ SHOP na pradpryjemstvie nazvali «startam ambicyjnaha prajekta pa prasoŭvańni brenda».
29.12.2024 / 22:09
Adkryćcio kramy ź mierčam BiełAZa. Fota: telehram-kanał BiełAZa
Pra heta paviedamlaje telehram-kanał BiełAZa.
Krama raźmiaściłasia ŭ handlovym centry pa praśpiekcie Lenina, 20. Pieršuju pakupku zrabiŭ staršynia harvykankama Alaksandr Cyvako, jaki BiełAZa na adkryćci razam z hienieralnym dyrektaram BIEŁAZa Siarhiejem Lesinym.
U BELAZ SHOP možna nabyć futbołki, bajki, spartyŭnyja kaściumy, dziciačaje adzieńnie, a taksama brendavanuju pradukcyju — ad mahnitaŭ da čamadanaŭ.
Suvienirnaja pradukcyja ŭ firmovaj kramie BiełAZa. Fota: telehram-kanał BiełAZa
Madelki techniki ŭ firmovaj kramie BiełAZa. Fota: telehram-kanał BiełAZa
U listapadzie vytvorca karjernych samazvałaŭ u svajoj internet-kramie pačaŭ pradavać boty BiełAZ. Abutak vielmi nahadvaje pradukcyju brenda Timberland, ale zamiest amierykanskaha łahatypa z vyjavy duba na ich źmieščany siłuet žodzinskaha samazvała, a źvierchu — nazva pradpryjemstva.
Praź niekalki dzion paśla pačatku prodažaŭ pravaabaroncy paviedamili pra zatrymańni, źviazanyja z kpinami ź firmovych botaŭ BiełAZa.