U Minsku adkryłasia krama tolki ź biełaruskimi cackami
U handlovym centry «Červieński» adkryłasia krama biełaruskich cacak. Tolki biełaruskich, i nijakich inšych. Mahazin atrymaŭ nazvu «Biełaruskaja cacka» i staŭ pieršaj kropkaj novaj sietki, paviedamlaje BelRetail.
28.12.2024 / 13:32
Raźvićciom novaj sietki zajmajecca kampanija «Kraina cacak», jakaja ŭžo vałodaje sietkaj kram FUNtastik.
Asnoŭnaja admietnaść «Biełaruskaj cacki» ŭ tym, što tut pradstaŭlena vyklučna pradukcyja biełaruskich vytvorcaŭ. U adroźnieńnie ad mahazinaŭ FUNtastik, tut možna znajści tavary dla ŭsich uzrostaŭ: ad samych maleńkich da darosłych. Kampanija adznačaje, što ŭsie cacki vyłučajucca vysokaj jakaściu, biaśpiekaj i dastupnymi cenami.
U kramie pradstaŭleny šyroki asartymient pradukcyi ad viadomych biełaruskich brendaŭ: «Paleśsie», Fancy, Genio Kids, Dream Makers i inšych.
Krama znachodzicca na druhim paviersie handlovaha centra «Červieński» (vuł. Majakoŭskaha, 6).