Aršanskaha śviatara, jaki vaziŭ dziaciej na rasijskija vajskovyja zbory, buduć sudzić za parnahrafiju
U raskładzie suda Aršanskaha rajona i Oršy na 9 studzienia 2025 hoda fihuruje imia Aleha Uładzimiraviča Płaksickaha. Mužčynu abvinavačvajuć pa č. 1 art. 343 KK RB — vyrab i raspaŭsiud parnahrafičnych materyjałaŭ abo pradmietaŭ parnahrafičnaha charaktaru, paviedamlaje «Chryścijanskaja vizija».
27.12.2024 / 16:11
Inicyjały abvinavačanaha supadajuć z dadzienymi nastajaciela i štatnaha ijereja dvuch chramaŭ — Naradžeńnia praśviatoj Baharodzicy ŭ v. Druck Tałačynskaha rajona i archanhieła Michaiła ŭ Oršy.
Na sajcie viciebskaj jeparchii paviedamleńni pra ijereja vychodziać rehularna: jašče dva tydni tamu jon pravodziŭ ekskursiju ŭ chramie dla aršanskich himnazistaŭ.
Ijerej Aleh Płaksicki trapiŭ u skandalnuju historyju ŭ 2016 hodzie, kali stała viadoma, što jon razam ź inšym viciebskim śviatarom Alaksandram Kavalovym udzielničali ŭ arhanizacyi trenirovak padletkaŭ ź Viciebskaj vobłaści ŭ rasijskich nieanacysckich łahierach.
Na asabistaj staroncy ŭ sacsietkach u ijereja Aleha Płaksickaha šmat publikacyj u padtrymku Rasii i rasijskaj ahresii.