Na Krasnaj płoščy ŭ Maskvie žančyna zładziła salut pa zadańni machlaroŭ
Dniom 25 śniežnia naviedvalniki Krasnaj płoščy stali śviedkami niesankcyjanavanaha salutu kala navahodniaj jołki. Było zroblena niekalki załpaŭ ź fiejervierka pad nazvaj «Viasioły fiejervierk», piša Baza.
27.12.2024 / 11:11
Tady adkaznych za incydent vyjavić nie ŭdałosia, ale ŭžo na nastupny dzień palicyja zatrymała 62-hadovuju Śviatłanu.
Śviatłana raspaviała palicejskim, što zapuściła fiejervierk pa patrabavańni «supracoŭnika FSB», ź jakim jana padtrymlivała suviaź na praciahu niekalkich tydniaŭ. Jak vyśvietliłasia, žančyna stała achviaraj machlaroŭ, jakija vymanili ŭ jaje 9,3 młn rasijskich rubloŭ (93 tysiačy dalaraŭ).
Machlary napužali Śviatłanu tym, što nibyta ad jaje imia ažyćciaŭlajecca finansavańnie Uzbrojenych Sił Ukrainy. U strachu jana pieradała kurjeru ŭsie svaje źbieražeńni, paśla hetaha ŭziała niekalki kredytaŭ i navat zakłała kvateru na šase Entuzijastaŭ.
Machlary paabiacali viarnuć hrošy, kali Śviatłana padpalić fiejervierk kala jołki na Krasnaj płoščy. Žančyna pavieryła ŭ hetyja abiacańni. Ale marna: hrošy joj nichto nie viarnuŭ.
Zaviedziena kryminalnaja sprava pa artykule «Chulihanstva». Śviatłana ciapier fihuruje ŭ rasśledavańni jak padazravanaja.