Paźniak hatovy razam z Usavym udzielničać u pieramovach nakont Ukrainy. Aby nie Cichanoŭskaja
Lidar ruchu «Volnaja Biełaruś» Zianon Paźniak vykazaŭsia ŭ fejsbuku adnosna pierśpiektyŭ udziełu pradstaŭnikoŭ ad Biełarusi ŭ mirnych pieramovach pamiž Rasijaj i Ukrainaj, jakija mohuć pačacca ŭ nastupnym hodzie.
26.12.2024 / 21:39
Paźniak vystupaje ŭ Vilni pierad svaimi prychilnikami 15 červienia 2024 hoda
Zianon Paźniak adznačaje, što paśla abrańnia prezidentam ZŠA Donalda Trampa, jakomu jon raniej i sam vykazvaŭ padtrymku, aktyvizavalisia razmovy pra pieramovy ab miry pamiž Rasijaj i Ukrainaj. Praŭda, heta nie aznačaje, što ciapier sprava pojdzie dalej za razmovy, bo
«ŭ ciapierašniaj situacyi ŭsialaki mir z Rasijaj pry zachavańni status-kvo budzie aznačać u mižnarodnym płanie pieramohu Rasii nad Ukrainaj i parazu Amieryki».
Ale, tym nie mienš, rana ci pozna pieramaŭlacca daviadziecca, i vierahodnaść pahadnieńniaŭ pra mir abmiarkoŭvajuć užo ciapier.
U suviazi z hetym, adznačaje hramadski dziejač, uźnikajuć niekalki surjoznych pytańniaŭ, najpieršaje ź jakich — adnosna pradstaŭnictva.
Na dumku Paźniaka,
«jakoje b ni było pradstaŭnictva — na pieramovach musiać być pradstaŭniki Biełarusi»,
a źviazvaje jon heta z tym,
«što Biełaruś, jak i Ukraina, stała abjektam nacisku i akupacyi z boku Rasii. Tolki ŭ Biełarusi zroblena ŭsio inšymi mietadami, šlacham hibrydnaj vajny cieraz zdradnictva Łukašenki, što dazvoliła Maskvie ŭ 2022 hodzie skarystać terytoryju Biełarusi dla napadu na Ukrainu».
Kali baki buduć damaŭlacca pra mir, to mohuć uźniknuć «roznyja pytańni abmienu, prestyžnaj kampiensacyi, raźmierkavańnia śfieraŭ upłyvu i t. p.» Tamu nieprymalnaja situacyja, kali «intaresy Biełarusi nie budzie kamu navat patłumačyć», a tamu biełarusaŭ pavinien niechta pradstaŭlać. Prytym pradstaŭlać nie aby-chto:
«Na pieramovach pavinny być palityčnyja pradstaŭniki, jakija adlustroŭvajuć nacyjanalnyja intaresy Biełaruskaha naroda».
Jość u Zianona Paźniaka i hatovy adkaz adnosna kankretnych kandydatur:
«Realnym palityčnym pradstaŭnikom nacyjanalnych intaresaŭ naroda źjaŭlajecca ciapier Nacyjanalna-Vyzvolny Ruch «Volnaja Biełaruś». Jaho palityki pavinny prysutničać na pieramovach i pradstaŭlać biełaruskija pazicyi».
Paźniak zhadvaje, što ŭ ramkach dyskusii adnosna piersanalnaha pradstaŭnictva ŭžo hučała jahonaje asabistaje proźvišča, a dadatkova prapanuje ŭklučyć u delehacyju svajho najbližejšaha paplečnika Paŭła Usava.
Adnak ža ŭźnikaje pytańnie, kudy dzieć Łukašenku, prysutnaści jakoha na pieramovach, upeŭnieny Paźniak, zapatrabujuć Rasija i Hiermanija. Tamu jon zusim nie vyklučaje situacyi, što pa vyniku toj budzie na pieramovach prysutničać, «mahčyma, z admietnym statusam». I heta lepš za situacyju, kali Biełaruś nie budzie pradstaŭlenaja ŭvohule nikim: «Kali b takoje zdaryłasia, to jano ŭsimi biełarusami musić być asprečana i apratestavana».
U toj ža čas absalutna bieskampramisna Paźniak nastrojeny adnosna hipatetyčnaha ŭdziełu ŭ pieramovach struktur, jakija ŭžo amal čatyry z pałovaj hady pryznajucca za palityčnaje pradstaŭnictva biełaruskaha demakratyčnaha ruchu na Zachadzie:
«Mušu asobna rastłumačyć, čamu Biełaruś i Biełaruski narod nie mohuć pradstaŭlać na pieramovach padstaŭnyja ŭtvareńni palityčnaj imitacyi, jakich finansujuć i na jakich robiać svaju palityku inšyja dziaržavy. Majucca na ŭvazie tak zvanyja «OSC» (Ofis Śviatłany Cichanoŭskaj), «NAU» (Narodnaje Antykryzisnaje Upraŭleńnie), utvareńni typu «Pierachodny kabiniet» i t. p.»
Na dumku Zianona Paźniaka, hetyja struktury padobnyja da režymu Łukašenki tym, što jany «nielehitymnyja z prydumanym značeńniem i z prydumanymi pretenzijami». Ale Łukašenka maje pieravahu ŭ tym, što «jon ujaŭlaje realnuju ŭładu ŭ krainie i finansava samadastatkovy (finansujecca sa svajho dziaržaŭnaha biudžetu)».
Što da Ofisa Cichanoŭskaj i NAU, to ich pavodziny — «palityčnaja kałabaracyja, demanstratyŭnaja padtrymka čužoj antybiełaruskaj palityki».
Jak takuju Paźniak kvalifikuje padtrymku zachodnich ekanamičnych sankcyj, zaklik da hałasavańnia suprać usich na studzieńskich vybarach, «admaŭleńnie kantaktaŭ z režymam dziela vyzvaleńnia palitviaźniaŭ» i nibyta adsutnaść dapamohi Pałku Kalinoŭskaha «pry šalonym šmatmiljonnym finansavym ulivańni ad zachodnich utrymalnikaŭ».
Kali ž «jeŭrastruktury» ŭsio ž pasprabujuć zamiest Paźniaka z Usavym pasadzić za stoł pieramoŭ hetych ludziej, to:
«Vynik moža stacca horšy, čym z Łukašenkam. Satrap pradaje Biełaruś za svaju ŭładu, hetyja — pradaduć za kamfort i paniušku tabaki».
Volha Karač: Na mirnych pieramovach Biełaruś pavinien pradstaŭlać Paźniak. A Cichanoŭskaja słabaja
Mikita Miełkazioraŭ raskazaŭ, jak jaho «pakusaŭ» Zianon Paźniak
Aleksijevič: Paźniak nijak nie moža pahadzicca, što jaho čas prajšoŭ
Paźniak pavinšavaŭ Trampa ź pieramohaj