Staŭ viadomy prysud Paŭłu Ivanovu ź Viciebska, jakoha sudzili za «abrazu Łukašenki»
Prysud u vieraśni 2024 hoda vynies sudździa Dzianis Alaksiejenka, ale jon staŭ viadomy tolki ciapier.
25.12.2024 / 11:42
56-hadovy Pavieł Ivanoŭ byŭ asudžany ŭ sudzie Pieršamajskaha rajona h. Viciebska pavodle č. 1 art. 368 KK (abraza Łukašenki) i art. 369 (źniavaha pradstaŭnika ŭłady) 16 vieraśnia 2024 hoda.
Jak piša kanał «Vitiebsk, ja hulaju!», mužčynu asudzili na 2 hady kałonii. Taksama jon aštrafavany na 4 tysiačy rubloŭ.
29 listapada 2024 hoda jaho imia było ŭniesiena ŭ pieralik hramadzian Biełarusi, zamiežnych hramadzian i asob biez hramadzianstva, jakija majuć dačynieńnie da ekstremisckaj dziejnaści.
Kanał piša, što Ivanova siłaviki zatrymali i zavieźli ŭ milicyju ŭ chałacie.