Kiraŭnika partyi «Zialonyja» asudzili na 6 hadoŭ kałonii
Pra prysud, vyniesieny byłomu kiraŭniku likvidavanaj uładami partyi «Zialonyja» Dźmitryju Kučuku, paviedamiŭ Anatol Labiedźka ŭ svaim telehram-kanale.
24.12.2024 / 23:21
Dźmitryj Kučuk
Pavodle źviestak palityka, prysud Dźmitryju Kučuku — 6 hadoŭ kałonii i 500 bazavych vieličyń štrafu.
50-hadovy Dźmitryj Kučuk — były staršynia partyi «Zialonyja» (partyju likvidavali ŭ lipieni 2023 hoda). Jon uznačalvaŭ adkrytaje akcyjaniernaje tavarystva «MS Zachodniaja» — heta pradpryjemstva, jakoje źbiraje i pierapracoŭvaje adkidy. Maje darosłuju dačku.
Dźmitryja zatrymali 16 lutaha 2024 hoda kala rasijskaj ambasady. Kučuk pryjšoŭ, kab uskłaści kvietki ŭ pamiać pra pamierłaha rasijskaha palityka Alaksieja Navalnaha. Praź miesiac stała viadoma, što suprać Dźmitryja zaviali kryminalnuju spravu.
Razhladać jaho spravu pačali 22 listapada ŭ Minskim haradskim sudzie. Abvinavačvali palityka pa dvuch artykułach — «zakliki da sankcyj» (č. 3 art. 361 KK) i «ŭdzieł u dziejańniach, jakija hruba parušajuć hramadski paradak» (č. 1 art. 342 KK).
Pačaŭsia sud nad kiraŭnikom likvidavanaj partyi «Zialonyja» Dźmitryjem Kučukom
Stała viadoma, za što buduć sudzić kiraŭnika likvidavanaj partyi «Zialonyja» Dźmitryja Kučuka
Pryznali palitviaźniami Dźmitryja Kučuka i jašče 12 čałaviek
Lidar partyi «Zialonyja» Dźmitryj Kučuk abvinavačvajecca pa kryminalnym artykule
Kiraŭnik likvidavanaj partyi «Zialonyja» nie vyjšaŭ na volu paśla 30 sutak aryštu
U Minsku zatrymali Dźmitryja Kučuka