Rasija naniesła ŭdar balistyčnaj rakietaj pa Kryvym Rohu
Rasijskija vojski nanieśli ŭdar balistyčnaj rakietaj pa žyłym kompleksie ŭ Kryvym Rohu 24 śniežnia. Kiraŭnik Kryvoha Roha Alaksandr Viłkuł napisaŭ u svaim telehram-kanale, što pad udar trapiŭ čatyrochpaviarchovy dom na 32 kvatery.
24.12.2024 / 21:35
Viadoma pra jak minimum adnu achviaru, jašče prynamsi 13 čałaviek paranienyja.
Kiraŭnik Dnieprapiatroŭskaj abłasnoj vajskovaj administracyi Siarhiej Łysak apublikavaŭ u sacsietkach fota ratavalnikaŭ, jakija niasuć paciarpiełaha. Pavodle jaho, pad zavałami mohuć zastavacca ludzi.
«U toj čas, jak inšyja krainy śvietu śviatkujuć Kalady, ukraincy praciahvajuć pakutavać ad biaskoncych rasijskich napadaŭ. Terarysty nie razumiejuć čałaviečaj marali. Jany nie razumiejuć ničoha, akramia siły», — napisaŭ u sacsietkach upaŭnavažany Viarchoŭnaj Rady pa pravach čałavieka Dźmitryj Łubiniec.
Ukrainskija ekśpierty razabralisia, z čaho zrabili rasijski «Arešnik»
Stali viadomyja techničnyja charaktarystyki zvyšsakretnych dronaŭ, jakija ZŠA pastaŭlajuć Ukrainie
Rasija atakavała Ukrainu rakietami: u Kijevie prahrymieli vybuchi