У Слуцкім раёне школьны аўтобус сутыкнуўся з Audi
Школьны аўтобус сутыкнуўся з аўтамабілем Audi A6 у Слуцкім раёне на 86-м кіламетры дарогі Р-23 Мінск-Мікашэвічы. ДТЗ адбылося 24 снежня каля 14:20, паведамляе УУС Мінскага аблвыканкама.
24.12.2024 / 20:29
35-гадовы кіроўца легкавіка рухаўся з боку Мінска ў бок Салігорска. У правай паласе руху ён сутыкнуўся са школьным аўтобусам пад кіраваннем 69-гадовага кіроўцы.
Аўтобус ехаў з боку вёскі Покрашава ў бок вёскі Ануфравічы і вёз дзяцей са школы дадому. У салоне знаходзілася 11 дзяцей і адзін дарослы, які іх суправаджаў.
У аварыі ніхто не пацярпеў. Школьнікаў даставілі для агляду ў Слуцкую ЦРБ, агледзелі і адпусцілі дадому.