Piensijanierka štodnia z červienia krała z kramy pa plašcy harełki — vynik 100 plašak
Rabotniki kramy ŭ Śvisłačy zaŭvažyli prapažu bolš za 100 plašak mocnaha ałkaholu. Akazałasia, usio heta śpirtnoje vyniesła adna žančyna.
24.12.2024 / 12:30
Siłaviki ŭstanavili, što ałkahol krała 60-hadovaja žančyna. Z pačatku červienia jana faktyčna štodnia vynosiła z kramy pa adnoj-dźvie plaški.
Žančyna raspracavała chitruju schiemu. Jana brała śpirtnoje z pryłaŭka, adychodziła ŭ miesca, dzie nie traplała ŭ kamiery videanazirańnia, i chavała plaški ŭ sumačku. Paśla hetaha jana praciahvała pakupki, a na kasie raźličvałasia za ŭsio, akramia śpirtnoha.
Papiarednie padličana, što piensijanierka vyniesła kala 100 butelek mocnaha ałkaholu i pryčyniła škodu amal na adnu tysiaču rubloŭ. Śpirtnoje jana raśpivała ź siabrami i znajomymi.
Žančyna kampiensavała pryčynienuju materyjalnuju škodu. Na jaje zaviali kryminalnuju spravu ab kradziažy.