Na Havajach pačaŭ vyviarhacca vułkan Kiłauea — adzin z samych aktyŭnych vułkanaŭ u śviecie
Niepasrednaj niebiaśpieki dla žycharoŭ niama.
24.12.2024 / 07:53
Fota: USGS via AP
Na Havajach pačaŭ vyviarhacca vułkan Kiłauea — adzin z samych aktyŭnych vułkanaŭ u śviecie, paviedamiła Hieałahičnaja słužba ZŠA (USGS).
Pavodle źviestak Havajskaj vułkaničnaj absiervatoryi, niepasrednaj niebiaśpieki dla žycharoŭ niama, bo vułkaničnaja aktyŭnaść na dadzieny momant abmiažoŭvajecca terytoryjaj Nacyjanalnaha parku havajskich vułkanaŭ, piša Bi-bi-si.
Adnak ułady papiaredžvajuć, što značnuju pahrozu ŭjaŭlaje vułkaničny smoh, jaki moža dasiahnuć niekatorych nasielenych punktaŭ. Dym ad łavy źmiaščaje dyjaksid siery — haz z rezkim pacham, jaki moža pahoršyć stan ludziej z reśpiratornymi i sardečna-sasudzistymi zachvorvańniami.
Rajon, dzie adbyvajecca vyviaržeńnie, byŭ zakryty dla naviedvańnia z 2007 hoda z-za ryzyki abvałaŭ i chrupkaści ścien kratara vułkana. Vułkan užo vyviarhaŭsia letam i vosieńniu hetaha hoda.