Biełaruś adkryvaje pasolstva ŭ Vatykanie
Jano pavinna pačać pracu nie paźniej za 1 vieraśnia 2025 hoda.
24.12.2024 / 00:42
Vatykan. Fota Georgio Borgia, AP
Premjer-ministr Raman Hałoŭčanka padpisaŭ pastanovu №988 ad 20 śniežnia 2024 ab adkryćci Pasolstva Biełarusi pry Śviatym Prastole. Pavodle dakumienta, jaki ŭžo ŭstupiŭ u siłu, heta treba zrabić nie paźniej za 1 vieraśnia 2025 hoda.
Raniej pasłami Biełarusi ŭ Vatykanie pryznačalisia pa sumiaščalnictvie pasły ŭ Šviejcaryi. Hetu pasadu zajmaŭ Uładzimir Karaloŭ (2002-2008), paśla jaje atrymaŭ Siarhiej Alejnik (2008-2013). Pryčym Alejnik pakinuŭ pasadu za saboj, navat kali staŭ namieśnikam ministra zamiežnych spraŭ.
Z 2013 hoda pradstaŭnika Biełarusi ŭ Vatykanie nie było. Ciapier ža vyrašana stvaryć tam asobnaje pasolstva.