U Rasii žančyna zabiła siabroŭku paśla taho, jak taja napałochała jaje praroctvam ab chutkim pazbaŭleńni voli
Zrešty, ad praroctva heta nie vyratavała.
24.12.2024 / 10:04
Ilustracyjnaja vyjava. Fota: pixabay
U žniŭni 2024 hoda žycharka Vierchniaj Tury (Śviardłoŭskaja vobłaść Rasii) Kryścina Valejeva razam ź siabroŭkami vypivała ŭ siabie doma. Padčas zastolla adna ź ich napraročyła Valejevaj, što ŭ budučyni jaje čakaje realnaje pazbaŭleńnie voli, paśla čaho pamiž žančynami ŭźnikła svarka i Valejeva zabiła siabroŭku, pieradaje partał «Choład» sa spasyłkaj na miascovuju prakuraturu.
Valejeva vyciahnuła siabroŭku za vałasy na vulicu, daviała da bližejšaha vadaschovišča i tam jaje patapiła. Zabitaja žančyna chvareła na dziciačy cerebralny paralič i nie mahła supraćstajać ahresarcy.
Valejevu ŭžo nie raz sudzili za kryminalnyja złačynstvy — kradziažy, chulihanstva, machlarstva, naŭmysnaje pryčynieńnie ciažkaj škody zdaroŭju i zabojstva.
«Praroctva» ab chutkim pazbaŭleńni voli ŭ vyniku spraŭdziłasia. Sud pryznaŭ žančynu vinavataj u zabojstvie siabroŭki i prysudziŭ 9,5 hoda kałonii ź vialikim štrafam. Žančyna pryznała svaju vinu ŭ poŭnym abjomie.
Złačynnyja hrupoŭki prydumali novy i dosyć kreatyŭny sposab niezaŭvažna pieramiaščać hrošy