Chalezin: Mašenski — talenavity biznesmien, za košt hetaha žyvie ceły rehijon
U čym adroźnieńnie Mašenskaha ad Čyža?
23.12.2024 / 18:55
Alaksandr Mašenski i Juryj Čyž. Fota: probusiness.io; «Presboł»
U novym vypusku TOKu viadomy režysior patłumačyŭ, u čym bačyć roźnicu pamiž ułaśnikam «Savuškavaha praduktu» i «Santa-Bremar» Alaksandram Mašenskim i Juryjem Čyžom, jaki vałodaŭ «Trajpłam».
«Čyž i Mašenski — heta zusim roznyja historyi. Heta dźvie vialikija impieryi, pabudavanyja vielmi pa-roznamu. Čyž atrymaŭ usio za košt blizkaści da cieła. Mašenski vybudavaŭ vializnuju vytvorčaść. U jaho pracujuć dziasiatki tysiač ludziej u Bresckaj vobłaści. Heta inšaja historyja», — davodzić Chalezin i ŭdakładniaje:
«Mašenski — heta vielmi talenavity biznesmien. (…) Jon budavaŭ zavody. Heta nie toje, što tabie niešta addaduć ci pieradaduć. Jon atrymlivaje praz tendar niejkija pradpryjemstvy, stratnyja ŭ bolšaści. I za košt svajho talentu, za košt taho, što ŭ jaho ŭžo napracavany kapitał, jon moža heta raźvivać. Za košt hetaha žyvie ceły rehijon zvyčajnych ludziej, jakija atrymlivajuć svaje zarobki i sacyjalny pakiet».
U Čyža, pa słovach Chalezina, taksama pracujuć biełarusy, ale prablema ŭ tym, što jon svaje aktyvy atrymaŭ praz karupcyjnyja schiemy.
«Ułasna, Čyž potym za heta i raźličvaŭsia. Čym? Tym, što jaho sadžali, pierasadžali i hetak dalej. I jon hetyja aktyvy addavaŭ. Bo heta byli nie jahonyja aktyvy».
Hladzicie całkam:
Uładalnik «Savuškavaha pradukta» i «Santa-Bremara» try hady žyvie ŭ Varšavie
Juryj Čyž viarnuŭ pad svajo kiravańnie hałoŭny aktyŭ siamji ŭ Rasii
«Ja nie viedaju, za što možna dakarać Mašenskaha» — Knyrovič