Piaskoŭ: Pieradumoŭ dla sustrečy Trampa i Pucina pakul niama
«Pakul nijakich realnych impulsaŭ nie było».
23.12.2024 / 15:58
Fota: Alexei Danichev, Sputnik, Kremlin Pool Photo via AP
Pieradumoŭ dla arhanizacyi sustrečy abranaha prezidenta ZŠA Donalda Trampa i prezidenta Rasii Uładzimira Pucina pakul niama. Pra heta zajaviŭ pradstaŭnik Kramla Dźmitryj Piaskoŭ.
«Pakul nijakich realnych impulsaŭ nie było»,— skazaŭ jon u adkaz na pytańnie TASS pra mahčymaść sustrečy jašče da inaŭhuracyi Trampa.
U niadzielu abrany prezident ZŠA zajaviŭ, što budzie čakać sustrečy z Pucinym, kab pakłaści kaniec rasijska-ŭkrainskaj vajnie.
Pucin padčas pramoj linii na minułym tydni paviedamiŭ, što nie razmaŭlaŭ z Trampam bolš za čatyry hady, ale hatovy sustrecca ź im u luby čas.