Raźviedka Paŭdniovaj Karei acaniła straty KNDR u rasijska-ŭkrainskaj vajnie
Pchieńjan źbirajecca adpravić jašče vajskoŭcaŭ na vajnu va Ukrainu.
23.12.2024 / 13:41
Vizit delehacyi Minabarony Rasii ŭ Pchieńjan. Fota: KCNA.kp
Straty KNDR u vajnie Rasii suprać Ukrainy dasiahnuli 1100 čałaviek, paviedamlaje Yonhap sa spasyłkaj na źviestki Nacyjanalnaj raźviedvalnaj słužby Paŭdniovaj Karei (NIS).
Udakładniajecca, što havorka idzie pra kolkaść «achviar siarod vajskoŭcaŭ», to-bok, imavierna, majucca na ŭvazie zahinułyja sałdaty.
Tym časam u Abjadnanym kamitecie načalnikaŭ štaboŭ Paŭdniovaj Karei zajavili, što Pchieńjan rychtujecca adpravić u Rasiju dadatkovyja siły i vajennuju techniku, kab padtrymać jaje armiju na poli boju.
Adnačasova buduć pastaŭlenyja 240-milimietrovyja rakietnyja i 170-milimietrovyja samachodnyja artyleryjskija ŭstanoŭki.