ES rychtuje novyja sankcyi suprać RF da treciaj hadaviny ŭvarvańnia
Heta budzie ŭžo 16-y pakiet sankcyj.
23.12.2024 / 09:23
Fota: AP
Jeŭrasajuz płanuje ŭvieści novy pakiet sankcyj suprać Rasii da treciaj hadaviny pačatku vajny RF suprać Ukrainy ŭ lutym 2025 hoda. Padrychtoŭčaja praca nad im užo pačałasia, piša Deutsche Welle.
Jak adznačyli dypłamaty ES, miery nakiravany na toje, kab «pasłać jasny sihnał Maskvie». U ramkach pakieta praduhledžany štrafnyja miery suprać kankretnych siektaraŭ rasijskaj ekanomiki, «jakija dahetul nie zakranalisia albo zakranalisia niedastatkova».
Akramia taho, u novy pakiet uvojduć dadatkovyja sankcyi suprać fizičnych asob i arhanizacyj, jakija ličacca «prapahandystami rasijskaha režymu» i adkaznymi za padryŭ terytaryjalnaj cełasnaści Ukrainy.