ŚMI raskazali pra daŭhi biełaruskaha błohiera Ułada Bumahi pa rasijskich padatkach
Uład Bumaha vinien padatkovaj RF amal miljon rasijskich rubloŭ (kala 10 tysiač dalaraŭ). A jašče ŭ jaho nibyta nieapłačanyja aŭtamabilnyja štrafy.
23.12.2024 / 08:29
Uład Bumaha. Fota: sacsietki błohiera
Pavodle infarmacyi Mash, FPS patrabuje, kab błohier zapłaciŭ 972 tysiačy rasijskich rubloŭ adzinaha padatkovaha płaciažu. Bumaha zavinavaciŭsia adrazu za niekalki svaich biznesaŭ: pa firmie «A4» — 156 tysiač rasijskich rubloŭ, pa «Pica plus» — 40 tysiač rasijskich rubloŭ, a taksama za kampanii, dzie ŭ jaho nievialikija doli.
Akramia padatkovaj, u chłopca nieapłačanyja štrafy za parušeńnie pravił darožnaha ruchu — u jaho čatyry parušeńni pa 500 rasijskich rubloŭ (ahułam kala 20 dalaraŭ). Na błohiera zaviali administracyjnuju spravu, piša Mash.
Praź niekatory čas hety post pra lubimčyka Kramla telehram-kanał vydaliŭ.