BiełAZ pad sankcyjami praciahvaje pradavać samazvały ŭ Jeŭropu
BiełAZ pad sankcyjami ES i ZŠA. Ale, pa źviestkach «Biełpoł», jaho technika dahetul pastaŭlajecca ŭ Jeŭropu. Technika zavoda traplaje ŭ Polšču, Litvu, Čechiju, Bałharyju, Słavakiju.
22.12.2024 / 20:57
Jak heta vyhladaje? «Biełpoł» raskazvaje ŭ rasśledavańni, što samazvały ŭ Biełarusi raźbirajuć, pradajuć kampanii-prakładcy, taja pierapraŭlaje ich u Jeŭropu, i techniku źbirajuć pad inšym łahatypam.
U Polšču samazvały traplali pad łahatypam Kronos (z dapamohaj kampanii POLMARK Kielce). U 2022 hodzie tak było pastaŭlena techniki na sumu 1,5 młn dalaraŭ, a letaś — na 1,47 młn dalaraŭ (4 samazvały i zapčastki).
U Bałharyju pastaŭki išli praz AAT «Kirujučaja kampanija chołdynhu «Lidsielmaš» (i pad łahatypam hetaj kampanii) i «Priemijera 2005 JEOOD» (daččynaja kampanija «BELAZ-SOFIA» Ltd). U 2021-2022 hadach tak było pastaŭlena techniki na sumu 12 młn dalaraŭ (14 samazvałaŭ), śćviardžaje «Biełpoł».
Taksama techniku BiełAZ pastaŭlajuć u Maroka, Ałžyr, Čyli, Pieru.
Stała viadoma, kolki dyvidendaŭ Prezidencki spartyŭny kłub atrymaŭ ad prodažu BiełAZaŭ