Na katku na Niamizie ŭ Minsku pamior čałaviek
Pra zdareńnie napisali čytačy pablika «Stydno Minsk». Pavodle ich danych, zdareńnie adbyłosia ŭčora na sieansie ŭ 17 hadzin. Aficyjna infarmacyja nie paćvierdžana.
22.12.2024 / 12:58
U kanale raźmiaścili videa, na jakim zdalok bačna, jak pobač z bortam lažyć nakryty čałaviek. Jaho aharadzili mietaličnymi poručniami.
Adzin z kamientataraŭ pra zdareńnie napisaŭ, što mužčyna «na ŭsioj chutkaści ŭ bort ujechaŭ, potym jaho jašče chvilin 30 adkačvali. Jon z žonkaj i z synam byŭ». Inšy dadaŭ, što na vid mužčynu było 35-40 hadoŭ.
Niahledziačy na toje, što na videa pobač z čałaviekam, jaki lažyć, katajucca ludzi, u kamientarach napisali, što sieans byŭ spynieny, hrošy za jaho ludziam viarnuli.
Aficyjnaj infarmacyi na hety kont nie było.