Viosku ŭ Brahinskim rajonie teraryzavaŭ voŭk
Uviečary 20 śniežnia ŭ Brahinski RAUS pastupiła paviedamleńnie, što ŭ vioscy Hdzień pa padvorkach biehaje voŭk. Ludzi začynilisia ŭ domie i čakali dapamohi.
21.12.2024 / 20:20
Zdymak ilustracyjny
Paśla atrymańnia paviedamleńnia ŭ Hdzień pajechaŭ miascovy ŭčastkovy, tudy ž nakiravali sfarmavanuju apieratyŭna-dziažurnaj słužbaj hrupu.
Ahresiŭnaja žyviolina, jak paviedamlajecca, kinułasia na milicyjanieraŭ, i tyja jaje zastrelili.
Ź ludziej u vyniku hetaha incydentu nichto ŭ vyniku nie paciarpieŭ, ale voŭk paśpieŭ zahryźci dvuch sabak.
U kancy listapada padobny incydent adbyŭsia ŭ susiednim Chojnickim rajonie, voŭk tam akazaŭsia chvorym na šalenstva. Pra stan zdaroŭja žyvioliny, jakaja pryjšła ŭ viosku Hdzień, pakul aficyjna nie paviedamlałasia.
Padrabiaznaści zdareńnia ŭ Chojnikach, dzie voŭk napaŭ na vartaŭnika i milicyjantaŭ