Zamiežnyja kampanii ŭsio mienš inviestujuć u Biełarusi ŭ asnoŭny kapitał
Za 11 miesiacaŭ hetaha hoda abjom inviestycyj u asnoŭny kapitał u Biełarusi skłaŭ 38,1 miljarda rubloŭ — plus 4 miljardy za miesiac. Za taki ž pieryjad minułaha hoda hety pakazčyk dasiahaŭ 30,8 miljarda rubloŭ, paviedamlaje Biełstat.
20.12.2024 / 16:08
Pry hetym praciahvaje skaračacca dola zamiežnych inviestycyj u asnoŭny kapitał.
Kali ŭ kastryčniku jana pamienšyłasia na 0,3% — da 4,7%, to ŭ listapadzie straciła jašče 0,2%, dasiahnuŭšy 4,5%.
Pry hetym 53% inviestycyj u asnoŭny kapitał prypadaje na pryvatnuju formu ŭłasnaści, miesiac tamu hety pakazčyk byŭ 52,8%. Na dziaržaŭnuju — 42,5%, jak i pa vynikach kastryčnika.
Na Minskuju vobłaść prypadaje čverć inviestycyj u asnoŭny kapitał, a na Minsk — 21%. Dola Bresckaj vobłaści — 13,2%, Homielskaj — 12,6%, Hrodzienskaj — 10,2%, a Mahiloŭskaj i Viciebskaj — pa 9%.
Startap ź biełaruskimi karaniami Yotewo pryciahnuŭ $250 000 ad brytanskaha inviestfondu
Viadomy IT-inviestar patłumačyŭ, čamu ŭ Polščy niama svajho EPAM i čym krutyja Mikada i Mielničak