Padatkovaja złaviła taksista, jaki vaziŭ ad vakzała ŭ Minsku da Ždanovič za 105 rubloŭ. Jon trapiŭ na 180 tysiač
Kiroŭca pravodziŭ tolki 10% vyručki, a astatniaje pravodziŭ, jak źnižki.
20.12.2024 / 13:19
Padatkovaja zacikaviłasia staličnym taksistam, jaki rabiŭ zavyšanyja taryfy, adnak padatki płaciŭ tolki ź nievialikaj častki zaroblenaha.
Na kiroŭcu paskardzilisia pasažyry. Jak raspaviali ŭ inśpiekcyi Miensku, taksist braŭ užo zanadta šmat hrošaj za svaje pasłuhi: adzin z klijentaŭ addaŭ 105 rubloŭ za pajezdku ad čyhunačnaha vakzała da Ždanovičaŭ.
Padatkovaja pravierka pakazała, što taksist aficyjna pravodziŭ tolki 10% ad vyručki. Astatniaje jon śpisvaŭ jak źnižku. Padatkaviki padličyli, što takich źnižak taksist śpisaŭ na 180 000 rubloŭ. Ich pryznajuć schavanaj ad padatkaabkładańnia vyručkaj.
Taksist zapeŭnivaŭ, što ŭsie źnižki realnyja. Pavodle jaho słoŭ, jon davaŭ ich invalidam, małamajomasnym i naohuł usim, chto paśla zakančeńnia pajezdki nie moh raspłacicca pa vynikovych pakazańniach taksomietra. U paćvierdžańnie svaich słoŭ jon navat pradjaviŭ raspracavanaje im pałažeńnie ab źnižkach. Ale padatkavuju heta nie pierakanała.
Na kiroŭcu skłali pratakoł pavodle administracyjnaha artykuła ab parušeńni paradku pryjomu srodkaŭ płaciažu pry realizacyi tavaraŭ, rabot abo pasłuh. Fizičnym asobam pa hetym artykule pahražaje štraf da 30 bazavych (1200 rubloŭ), IP — da 50 bazavych (2000 rubloŭ), jurydyčnym asobam — da 100 bazavych (4000 rubloŭ).