U Homieli buduć sudzić maci palitviaźnia, byłuju vykładčycu ŭniviersiteta
Pravaabaroncy z «Homielskaj viasny» zaŭvažyli ŭ sudovym raskładzie razhlad spravy suprać Valeryi Dziacuk — byłoj vykładčycy adnoha z homielskich univiersitetaŭ i kandydatki chimičnych navuk.
19.12.2024 / 22:43
Valeryja Dziacuk
Praces adbudziecca a 15-j hadzinie 23 śniežnia ŭ sudzie Centralnaha rajona Homiela. Vieści jaho budzie sudździa Drebiazaŭ Dzianis, jaki ŭžo sudziŭ ludziej pavodle «palityčnych» artykułaŭ.
Pryčynaj, pavodle jakoj administracyjnaja sprava apynułasia ŭ sudzie, paznačany dekret № 7 ad 8 listapada 2021 hoda (uniasieńnie źmienaŭ u dekret ab zamiežnaj biazvypłatnaj dapamozie).
Syn Valeryi Dziacuk Siarhiej adbyvaje pakarańnie za toje, što ŭ 2021 hodzie zastupiŭsia za maci, kali ŭ ich dom pryjšli supracoŭniki karnych orhanaŭ ź pieratrusam. Sama Valeryja ŭ tym ža hodzie taksama traplała pad aryšt pavodle «palityčnaj» administracyjnaj spravy. Paśla hetaha žančynu zvolnili z pracy.
Pryznali palitviaźniami jašče 23 čałavieki
Palitviazień Mikałaj Chiła akazaŭsia supracoŭnikam delehacyi Jeŭrasajuza ŭ Biełarusi
Ajcišniku, asudžanamu za «zdradu dziaržavie», chočuć uzmacnić pakarańnie
Palitviaźnia Akichiru Hajeŭskaha-Chanadu pieraviali na turemny režym