Zatrymali padazravanych u zabojstvie hienierała Kiryłava ŭ Maskvie
Zatrymanyja dvoje mužčyn, jakija majuć dačynieńnie da zabojstva hienierała-lejtenanta Ihara Kiryłava i jaho adjutanta, piša 112.
18.12.2024 / 09:00
Ich zatrymali jašče ŭčora. Padazravanyja ŭžo dali pakazańni i raspaviali śledčym pra arhanizataraŭ zabojstva, paviedamlaje telehram-kanał 112.
Vydańnie «Kommiersant» sa spasyłkaj na krynicu piša, što śled padazravanych uziali ź miesca zdareńnia, dzie kamiery nazirańnia zafiksavali niekalki padazronych mašyn. Faktyčna zabojstva było raskryta pa haračych śladach, adznačyła krynica «Kommiersanta».
Aficyjnych zajaŭ pa spravie pakul niama.
Načalnik vojskaŭ radyjacyjnaj, chimičnaj i bijałahičnaj abarony US RF, hienierał-lejtenant Ihar Kiryłaŭ i jaho pamočnik byli zabity vybucham učora ŭ Maskvie. Kanał «VČK-OHPU» daje padrabiaznaści i pra asobu hienierała, i pra samo zdareńnie.
Źjavilisia padrabiaznaści zabojstva rasijskaha hienierała ŭ centry Maskvy
Momant padryvu ŭ Maskvie hienierała i jaho adjutanta trapiŭ na VIDEA