U depresiŭnym rajcentry Chocimsku pa palityčnych artykułach sudzili 26 čałaviek
U šaścitysiačnym rajcentry Chocimsku na samaj uschodniaj uskrainie Mahiloŭskaj vobłaści pa stanie na 27 listapada da administracyjnaj adkaznaści pa palityčnych artykułach pryciahnuta 24 čałavieki, a pratakoły jašče pa dvuch miascovych žycharach byli nakiravany ŭ sud. Pra heta paviedamiŭ namieśnik načalnika adździeła achovy pravaparadku Chocimskaha RAUS Jaŭhien Chučaŭ, piša Mayday.team.
17.12.2024 / 20:32
Milicejski načalnik śćviardžaje, što na terytoryi Chocimskaha rajona praciahvajuć fiksavacca fakty prahladu hramadzianami infarmacyjnych resursaŭ, pryznanych uładami «ekstremisckimi».
Jon udakładniŭ, što pratakoły składzienyja jak na asob pracazdolnaha ŭzrostu, tak i na pažyłych hramadzian.
Jaŭhien Chučaŭ adznačyŭ, što samymi raspaŭsiudžanymi «ekstremisckimi materyjałami» na Chocimščynie stali videafajły z łahatypami Tut.by», «Biełsat», videa na staronkach zabaronienych supołak «Radyjo Svaboda», Stop Luka, Nexta.
Taksama rabotniki miascovaj milicyi manitoryli staronki miascovych žycharoŭ u sacsietkach «Adnakłaśniki» i «Ukantakcie».
Siońnia pačali sudzić viciebskaha doktara, jakoha mocna źbili pry zatrymańni
Ajcišniku, asudžanamu za «zdradu dziaržavie», chočuć uzmacnić pakarańnie