La bierahoŭ Vanuatu ŭ Cichim akijanie adbyŭsia ziemlatrus mahnitudaj 7,3
17.12.2024 / 09:06
Mocny ziemlatrus mahnitudaj 7,3 adbyŭsia niedaloka ad stalicy Vanuatu Port-Viła, paškodziŭšy budynki i inšuju infrastrukturu, piša Bi-bi-si.
Pa dadzienych Hieałahičnaj słužby ZŠA (USGS), ziemlatrus adbyŭsia ŭ 12:47 pa miascovym časie (03:47 pa Minsku) na hłybini 57,1 km.
Na karotki čas u niekatorych častkach cichaakijanskaj astraŭnoj dziaržavy było abvieščana papiaredžańnie ab cunami, ale pa stanie na 14:14 pa miascovym časie aficyjnyja asoby zajavili, što pahroza abminuła.
Maštaby škody zastajucca niajasnymi, ale jość niepaćvierdžanyja paviedamleńni prynamsi ab adnym zahinułym.
Den Makhery, žurnalist, jaki žyvie ŭ Port-Vile, paviedamiŭ, što palicyja Centralnaj balnicy Viła paviedamiła jamu, što adzin čałaviek pamior.
Google.maps
U svaim paście na X Makhery paviedamiŭ, što bačyŭ troch čałaviek z «surjoznymi traŭmami» na balničnych katałkach, jakija čakajuć lačeńnia. Ziemlatrus byŭ «samym mocnym z tych, što ja bačyŭ za apošnija 20 ź lišnim hadoŭ», dadaŭ jon.
Na kadrach u sacyjalnych sietkach bačnyja budynki, aŭtamabili, na jakija abrynulisia paneli, i mebla, raskidanaja pa padłozie ŭnutry damoŭ. Žychary paviedamlajuć pra niepaładki ŭ suviazi.
Pavodle fatahrafij, raźmieščanych u Internecie, ambasada ZŠA ŭ Port-Vile znachodzicca ŭ liku paškodžanych budynkaŭ.
Aficyjnyja asoby ZŠA zajavili, što budynku naniesieny «značny ŭron» i jon budzie zakryty da dalejšaha paviedamleńnia.