U Čycie adkryli draŭlanuju prybiralniu, jakuju miascovyja čakali dva hady, ale karystacca joju pakul zabaranili
U Čycie adkryli vuličnuju prybiralniu, jakuju žychary bližejšych damoŭ čakali amal dva hady. Heta prybiralnia kala barakaŭ, piša «Čyta. Ru». Ale novuju prybiralniu čamuści zakałacili, ludzi znoŭ vynosiać brud u viodrach.
15.12.2024 / 14:04
«Vuličnaj prybiralni ŭ ludziej niama ŭžo amal dva hady. Staruju źnieśli ŭ pačatku 2023 hoda paśla vizitu namieśnika ministra budaŭnictva i ŽKH Rasii Alaksieja Jaraśka. Ceły hod ničoha nie mianiałasia. «Narodny front» zapatrabavaŭ arhanizavać ludziam kamfortnyja ŭmovy, ułady paabiacali ŭstalavać prybiralniu ŭ krasaviku. Ale zrabili tolki ciapier! Mabyć, na prajektavańnie takoha kapitalnaha zbudavańnia spatrebiŭsia čas. Ale ŭžo ŭstalavany tualet zakałacili, u jaho nie patrapić. Žychary barakaŭ praciahvajuć vynosić viodry, niby žyvuć u hłuchim Siaredniavieččy», — paviedamlajecca ŭ supołcy «Narodnaha frontu».
Tualet pakul začynieny da «pryniaćcia rabot».
«Pryjomka budzie ŭ śniežni, datu paviedamim paźniej», — paviedamili ŭ pres-słužbie horada.