Jak vyhladaje ŭnutry handlovy centr u Viciebsku paśla pažaru FOTY
Źjavilisia foty, jak unutry vyhladajuć pamiaškańni handlovaha centra «Biełaruś» u Viciebsku, u jakim učora 4 z pałovaj hadziny nie mahli patušyć pažar.
14.12.2024 / 16:22
Fota: t.me/sudexpert_by
Kolkaść paciarpiełych padčas pažaru pavialičyłasia da 16 čałaviek. Ź ich dva — u ciažkim stanie ŭ reanimacyi z atručańniem čadnym hazam i dymam. Šmat ludziej paranilisia, kali vybivali škło i vybiralisia sami.
Fota: t.me/sudexpert_by
Pažar było składana patušyć praz hareńnie draŭlanych kanstrukcyj i płastyku.
Fota: t.me/sudexpert_by
Inicyjavana rasśledavańnie pryčyn nadzvyčajnaha zdareńnia. Milicyja arhanizavała kruhłasutačny nahlad za handlovym centram i majomaściu, jakaja znachodzicca tam.
Fota: t.me/sudexpert_by
Śledčy kamitet raspačaŭ kryminalnuju spravu pa artykule ab parušeńni patrabavańniaŭ pažarnaj biaśpieki, jakoje paciahnuła pa nieaściarožnaści pryčynieńnie škody ŭ bujnym pamiery.
Fota: t.me/sudexpert_by
Situacyju prakamientavaŭ taksama ŭładalnik handlovaha centra Viktar Vialuha:
«Zdaryłasia vialikaja biada, adbyłosia ŭzharańnie, pryčynu budzie vyznačać užo śledstva. Usie arandatary pavinny supakoicca, my zrobim usio nieabchodnaje, kab ludzi nie zastalisia biez mahčymaści pracavać. Kamuści buduć dadzienyja ŭ najbližejšy čas miescy ŭ inšych handlovych centrach», — cytuje jahonyja słovy BiełTA.
Pavodle Vialuhi, u handlovym centry budzie pravodzicca ramont.
«Paśla ramontu, naturalna, usie zmohuć viarnucca na svaje pracoŭnyja miescy, — zapeŭniŭ jon. — Pa materyjalnych kaštoŭnaściach my niejkim čynam budziem vyrašać, kab pajści nasustrač i zrabić abo nadańnie biez arendy pamiaškańniaŭ, abo kampiensavać. Ale heta treba ŭsio hladzieć».
U Viciebsku paśla pažaru ŭ HC «Biełaruś» ratavalniki nie znajšli ludziej u pamiaškańniach
Šmat draŭlanych kanstrukcyj. Čamu ŭskładniałasia tušeńnie pažaru ŭ HC «Biełaruś» u Viciebsku
Paśla pažaru ŭ handlovym centry Viciebska miedycynskaja dapamoha spatrebiłasia 15 paciarpiełym
Padčas pažaru ŭ viciebskim HC paciarpieli 15 čałaviek, ź ich 2 rabotniki MNS
Pažar u viciebskim handlovym centry likvidavali, spatrebiłasia čatyry z pałovaj hadziny
«Ačahoŭ, jak my bačym, niekalki». Strašna hareŭ handlovy centr u Viciebsku VIDEA
U Viciebsku zahareŭsia handlovy centr. Jość paciarpiełyja