Вызначыліся супернікі зборнай Беларусі ў адборачным турніры да ЧС-2026
Сёння прайшло лёсаванне адборачнага турніру да чэмпіянату свету па футболе 2026 года. Сфармаваныя 12 групаў па 4 і 5 зборных.
13.12.2024 / 14:52
Uefa.com
Зборная Беларусі згуляе ў групе «С» з трыма супернікамі.
Гэта зборныя Грэцыі і Шатландыі, а таксама той, хто прайграе ў матчы 1/4 Лігі нацый паміж Партугаліяй і Даніяй.
Адборачныя матчы пройдуць увосень 2025 года.
Прамыя пуцёўкі на чэмпіянат свету атрымаюць толькі пераможцы груп, 12 камандаў, што зоймуць другія месцы, разам з чатырма камандамі з Лігі нацый разыграюць у міні-турніры чатыры дадатковыя месцы.
Чэмпіянат свету па футболе ў 2026 годзе пройдзе ўпершыню ў трох краінах: ЗША, Мексіцы і Канадзе.