Маск першым у гісторыі дасягнуў багацця звыш 400 мільярдаў даляраў
Амерыканскі прадпрымальнік стаў першым у гісторыі такім чалавекам, паведаміла агенцтва Bloomberg.
12.12.2024 / 10:44
Ілан Маск, Фота: Susan Walsh / AP
Гэта стала чарговай вяхой у гісторыі самага багатага чалавека ў свеце.
Як паведамляе Bloomberg, апошнім каталізатарам росту капіталу Маска стаў інсайдарскі продаж акцый яго прыватнай касмічнай кампаніі SpaceX, пасля чаго яго багацце вырасла адразу на 50 мільярдаў даляраў.
Такім чынам, паводле звестак Bloomberg Billionaires Index, яго капітал дасягнуў 439,2 мільярда даляраў.