Rasijskaja kampanija kupiła biełaruskaha raspracoŭščyka elektrasamakataŭ
Rasijskaja kikšerynhavaja kampanija «MTS Jurent» kupiła biełaruskaha raspracoŭščyka elektrasamakataŭ i softu Eleven. Jak paviedamlaje RBK sa spasyłkaj na pradstaŭnika kampanii, ekśpierty aceńvajuć ździełku ŭ $6-8 młn.
11.12.2024 / 23:45
Fota: eleven.city
«MTS Jurent» nabyła intelektualnuju ŭłasnaść i raspracoŭki Eleven u śfiery mikramabilnaha transpartu. Kampanija «MTS Jurent» źbirajecca stvaryć na bazie Eleven centr, jaki budzie raspracoŭvać roznyja vidy šerynhavaha transpartu, prahramnaje zabieśpiačeńnie i zaradnuju infrastrukturu. Pry hetym usie biełaruskija supracoŭniki buduć pracavać u abjadnanaj kampanii.
U 2025 hodzie «MTS Jurent» źbirajecca prezientavać abnoŭlenuju madel samakata, a zaadno łakalizavać vytvorčaść u Rasii.
U Biełarusi kampanija Eleven pracuje z 2019 hoda. Jaje supracoŭniki stvaryli dźvie madeli elektrasamakataŭ, rovar i hruzavy viełabajk dla dastaŭki. Akramia Biełarusi, šerynhavy servis Eleven raźvivajecca ŭ Hruzii, Rasii i Kazachstanie.
Biełaruś pakidaje adna z samych papularnych mabilnych prahram dla zaniatkaŭ sportam
Dla hałoŭnaha achoŭnika Łukašenki prydumali kiraŭničuju pasadu ŭ Biełarusbanku
«Savuškaŭ pradukt» abjaviŭ pra rebrendynh
U Minsku adkryli restaran, nazva jakoha pahražaje mižnarodnym skandałam