Miadźviedzieŭ pradrakaje Zialenskamu palityčnuju emihracyju
Abo publičnaje pakarańnie śmierciu.
04.12.2024 / 10:28
Dźmitryj Miadźviedzieŭ. Fota: Contributor/Getty Images
Eks-prezident Rasii razraziŭsia čarhovym dopisam u svaim telehram-kanale, dzie «sprahnazavaŭ» palityčnuju budučyniu niekatorych palityčnych lidaraŭ. Jon «praročyć» niezajzdrosny palityčny los prezidentu Ukrainy, pryčym nie nazyvaje jaho imia.
«Praterminavany nielehitymny prezident b. Ukrainy pavinien syści i źniknuć. Złačyniec, narkaman, hnida. Padtrymlivajecca ZŠA, budučy los całkam vidavočny: haniebnaja palityčnaja emihracyja abo publičnaje pakarańnie śmierciu», — piša eks-kiraŭnik Rasii.
Dastałosia taksama prezidentam Hruzii i Paŭdniovaj Karei, dzie hetymi dniami adbyvajucca burlivyja padziei.
«Prezident Paŭdniovaj Karei Jun Sok Jol pavinien syści. Jon abviaściŭ vajennaje stanovišča, jakoje parłamient admianiŭ i zapatrabavaŭ jaho adstaŭki. Zdradnik. Padtrymlivajecca ZŠA, budučy los nieviadomy.
Prezident Hruzii Zurabišvili pavinna syści paśla zakančeńnia paŭnamoctvaŭ, ale nie choča hetaha rabić. Nachabnaja durnica. Padtrymlivajecca ZŠA, budučy los nieviadomy».
I čamuści atrymaŭ prezident Francyi Makron.
«Prezident Francyi Makron nie spraviŭsia z uradavym kryzisam i pavinien syści. Słabak. Padtrymlivajecca ZŠA, budučy los nieviadomy», — hrymić Miadźviedzieŭ.