Minzdaroŭja: Taryfy na płatnyja pryjomy daktaroŭ-śpiecyjalistaŭ abmiažujuć dla ŭsich jurasobaŭ
Abmiežavańnie taryfaŭ na płatnyja pryjomy daktaroŭ-śpiecyjalistaŭ tyčycca ŭsich jurydyčnych asob niezaležna ad formy ŭłasnaści. Pra heta havorycca ŭ aficyjnym kamientary Minzdaroŭja da pastanovy, jakoj ustanoŭleny hraničnyja maksimalnyja taryfy na płatnyja miedycynskija pasłuhi pa pryjomach (kansultacyjach) daktaroŭ-śpiecyjalistaŭ.
03.12.2024 / 15:48
Fota: Minsk-Naviny
Jak tłumačycca, havorka idzie ab usich płatnych miedpasłuhach, jakija akazvajuć jurydyčnyja asoby niezaležna ad formy ŭłasnaści i padparadkavanaści, a taksama tych, jakija akazvajuć indyvidualnyja pradprymalniki.
Ciapier pasłuhi kansultacyj i pryjomaŭ daktaroŭ-śpiecyjalistaŭ nie rehulujucca, u suviazi z čym nazirajecca značny roskid cen na ich.
«Uviadzieńnie cenavaha rehulavańnia i abmiežavańnia taryfaŭ dazvolić likvidavać vypadki farmiravańnia taryfaŭ sa zvyšprybytkami. Uviadzieńnie Ministerstvam achovy zdaroŭja pa ŭzhadnieńni z MARH rehulavańnia taryfaŭ na pasłuhi kansultacyj i pryjomaŭ doktaraŭ-śpiecyjalistaŭ dazvolić ustalavać ekanamična abhruntavanyja taryfy», — adznačyli ŭ Ministerstvie achovy zdaroŭja.
Pastanova №156 ustupaje ŭ siłu z 1 lutaha 2025 hoda.