Kambierbetč pračytaje knihu Navalnaha «Patryjot» u efiry Bi-bi-si
Brytanski akcior Bieniedykt Kambierbetč pračytaje ŭ efiry Bi-bi-si miemuary rasijskaha apazicyjaniera Alaksieja Navalnaha «Patryjot». Prahrama vyjdzie ŭ efir 9 śniežnia na radyjokanale BBC Radio 4, piša Radyjo Svaboda.
03.12.2024 / 14:41
Anadolu agency via Getty Images
U sakaviku hetaha hoda ŭ ramkach prajekta Letters Live u łondanskim Albiert-Chole Kambierbetč čytaŭ adzin z apošnich listoŭ Navalnaha, jaki rasijski apazicyjny palityk napisaŭ da treciaj hadaviny svajho viartańnia ŭ Rasiju i za miesiac da svajoj hibieli ŭ kałonii. «Kali tvaje pierakanańni čahości vartyja, ty pavinien być hatovy pastajać za ich. I kali treba, pajści na niejkija achviary», — pisaŭ Navalny.
U krasaviku 2023 hoda Kambierbetč razam ź inšymi znakamitaściami padpisaŭ list Uładzimiru Pucinu z patrabavańniem vyzvalić Navalnaha. U 2021 hodzie akcior byŭ siarod padpisantaŭ zvarotu da Pucina z prośbaj zabiaśpiečyć miedycynskuju dapamohu Navalnamu ŭ kałonii.
Kniha ŭspaminaŭ Alaksieja Navalnaha «Patryjot» vyjšła ŭ śviet 22 kastryčnika. Jana vydadziena na 26 movach, i pastupiła ŭ prodaž u 36 krainach śvietu.